الثلاثاء، 6 يناير 2009




سامحيني يا أمي




ان مت يا أمي سامحيني ..... وأمانه عليكي ما تبكيني

لو سرقوا الدم اللي في جسمي ..... أو جم سألوكي عن أسمي

ضميني في حضنك وقوليلهم ..... انا ابني فدائي فلسطيني


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



مش هارضي يأمي اني أتزل ...... أو هارضي بوجود محتل

لو كنت يا أمي انا الحل ...... سيبيني أستشهد سيبيني

وضميني في حضنك وقوليلهم ..... انا ابني فدائي فلسطيني


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


مش هاستسلم ولا أسيب أرضي ..... لكلاب مسعوره تنهش عرضي

أنا ها أستشهد وضميري مرضي ..... وأن كنتي صحيح بتحبيني

ضميني في حضنك وقوليلهم ..... انا ابني فدائي فلسطيني


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


ماتقولش انا مسلم أو قبطي ..... انا عربي وبحب عروبتي

انا عاشق والقدس حبيبتي ..... وأنا مؤمن والله بيحميني

ضميني في حضنك وقوليلهم ..... انا ابني فدائي فلسطيني


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


لو قطعوا لساني ووريدي ..... لو قتلوا الفرحه في يوم عيدي

مش هارمي الحجر اللي في ايدي ..... ولا هاركع ولا تدمع عيني

ضميني في حضنك وقوليلهم ..... انا ابني فدائي فلسطيني


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


لو قطعوا لساني هاتكلم ..... لو حرقوا المدرسه هاتعلم

لو بتروا شمالي مش ها أتألم ..... وها حرر أرضي بيميني

ضميني في حضنك وقوليلهم ..... انا ابني فدائي فلسطيني


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


ضميني يا أمي انا هاستشهد ..... ضميني ونسيني الخوف

انا حاسس انه أخر مشهد ..... ضميني ضمة ملهوف

وصحي ضمير العالم يشهد ..... وخلي العالم يجيي يشوف

وأنا مرمي يا أمي في أحضانك ..... ودمي بقي ست حروف


ف - ل - س - ط - ي - ن
ياريت كل واحد يدخل هنا يقرأ سوره الفتح ويهديها لاهل فلسطين عسي الله ان يتقبل من أحد مننا ويكون النصر من عند الله

هناك 26 تعليقًا:

أمل حمدي يقول...

اللهم انصرهم بدم شهدائهم

وزلزل الارض من تحت اعدائنا واعدائهم

كلماتك معبرة رائعة

تسلم يا امير

وردشان smilyrose يقول...

الاخ العزيز أمير البلانكو

ساعلق علىكلماتك الرائعة بكلمات

كتبتها فى البوست السابق لى

لا تحزنى يا أمى
فغدا ستشرق شمسنا
قبل الرحيل وستبحر الاقمار فى الأفق العليل
وغدا سيتضح السبيل
وغدا سيرحل عن هنا الزمن البخيل
لا تحزنى يا أم لو زاد العذاب
فلقد نشأنا من تراب
وغدا نصير إلى التراب
لكننا يا أم
تحت ترابنا شرفاء
ما ضاعت الدنيا هباء
فغدا ستسطع فى مقابرنا الضياء
وستعلمين
بعد ما ضاع الشباب من أننا
قد ضمنا عصر الذئاب
Smilyrose

روح الحب الصادق

فشكووول يقول...

يا أمير البلانكو .. كلماتك طيبه وجميله .. لكن امنا مريضه هذه الايام ولا تستطيع ضم اى ابن من ابنائها الى حضنها .. مريضه يا بنى وفى حاجه لاعمالكم ودعواتكم
اول مره عندك فى المدونه وارجوا ان تدوم بيننا الزيارات

GiGi world يقول...

ربنا يعزك ده انا اللى اطلب منك انك تزورنى على طول فى المدونه
بجد انت انسان رائع وبجد تصيرك حلو قوي
ربنا ينصر الاسلام والمسلمين يااااارب

Kiara يقول...

جميله اوي ياامير

فكرتني باغنيه فدائي لعبدالحليم

همس يقول...

بجد راااااااااااائعه

وجزاك الله خيرا

حياه بلا عنوان يقول...

بجد البوست جميل ربنا ينصرهم يارب ياريت تقبل مرورى الاول فى المدونه
تحياتى

بس خلاص ... يقول...

جميله جدا يا امير
ولن لانمل سوى اضعف الايمان وهو الدعاء والتوسل الى المولى عز وجل ان يفك الكرب والبلاء

والله يا امير وحشتنا يا اخى العزيز لاتغب طويلا وابقى طمننا عن اخبارك

سمكه واحده يقول...

اذيك يا مير
كلمات جميله اوي
بس الام اصلا مجروحه
والله الواحد نفسه يعمل اي حاجه ان شالله يسافر هناك يبقي معاهم
انا وانت وكلنا مضيقين وزهقنين ومخنوقين اوي اوي بس بجد لازم نعمل حاجه

"عبير النجار "نيجار يقول...

أمير أنا أسفه جدا اتأخرت عليك بس والله غصب عني ،
بجد ميرسي على الهديه الأكثر من رائعه وإحساسك الغير طبيعي بجد مبدع ،
بس حكايه مؤلمه مش عارفه لإني بعشق الألم وبقينا صحاب ويمكن لو قعدت من غير ألم بتعب و بجد دي أحلى هديه إتقدمتلي ،
بحييك مره تانيه و في إنتظار المزيد من إبداعاتك ،
تحياتي ليك أخويا الغالي

Lola يقول...

غزه تحترق وقلوبنا تحترق ..اللهم خفف عنهم وتقبل شهدائهم واغفر لنا تقصيرنا..اللهم ارحمنا يا رب ..اللهم ارحمنا ولا تؤخذنا بما فعل السفهاء منا,
امير حقيقى عدى وقت طويل على اخر زياره.
تمنياتى لك بكل خير الدنيا

أمير البلانكو يقول...

ماما أموله

ازيك والله نورتي المدونه

ربنا ان شاء الله هايستجيب أكيد لدعاء المليار مسلم

ماتقلقيش

تحياتي ليكي

أمير البلانكو يقول...

smilyrose

نورتي والله وبجد كلماتك أحسن بكتيرررر من كلماتي


تحياتي ليكي واتمني المزيد من التواصل

أمير البلانكو يقول...

الاستاذ فشكول


والله بجد أسعدتني زيارتك انا ليا الشرف ان واحد زي حضرتك يشرفني في مدونتي الصغيره

تحياتي ليكي

وان شاء الله علي تواصل مع بعض

أمير البلانكو يقول...

جيجي


ميرسي أوي علي زوقك وكلماتك الجميله في حقي


يارب دايمآ علي تواصل مع بعض

أمير البلانكو يقول...

كيارا

ازيك يا قمر

نورتي المدونه والله

وطبعآ أغاني عبد الحليم

علي طول بتسمع الدنيا كلها ومين فينا ماسمعش أغنيه فدائي

تحياتي ليكي

ويارب دايمآ مع بعض في تواصل

أمير البلانكو يقول...

همس

ميرسر أوي علي زيارتك ليا

تحياتي ليكي

ويارب دايمآ في تواصل

أمير البلانكو يقول...

حياه


البوست جميل بزيارتك ليه

يارب دايمآ تزوري جميع البوستات القادمه

تحياتي ليكي

أمير البلانكو يقول...

بس خلاص

ازيك

ميرسي أوي علي زيارتك ليا

حفيقه فعلا احنا مانملكش غير الدعاء

ربنا يستجيب من كل مسلم بيدعي لفلسطين

تحياتي ليكي

أمير البلانكو يقول...

سمكه


ازيك

صح احنا كلنا مضايقين ومخنوقين

بس ممكن نعمل حاجات كتير زي ممكن كلنا نتبرع لاهل فلسطين سواء بالدم أو المال
أكيد هما محتاجين دلوقتي فلوس كتيره علشان اليهود دمروا البنيه التحتيه لفلسطين وكمان أكيد عايزين دم علشان الدم اللي اتنزف من أهلها فكري وانتي أكيد هاتلاقي طرق كتيره للمساعده

تحياتي ليكي

وبجد أسعدتني زيارتك حقآ يا سمكه

أمير البلانكو يقول...

نيجار

زيارتك أتأخرت بجد بس أسعدتني كتير أوي

يارب دايمآ مع بعض في تواصل

تحياتي ليكي

أمير البلانكو يقول...

لولا

ايتها الرقيقه انتي فين من زمان اتأخرتي كتيرررررررررررررررر أوي يارب تكون العوده حميده كما تعودنا منك

تحياتي ليكي

wafaa يقول...

متى ينقضى هذا الليل ؟ و ان طال نحن ننتظر اشراقة النهار

ريمان يقول...

السلام عليكم

ما شاء الله عليك

ازاى انا مكنتش بزور مدونتك قبل كده

دى اول زياره ليا


بجد كلماتك اثرت فى نفسى اوى

احييك بشده

تقبل مرورى

مع تحياتى

ريمان

ملائكيه

أمير البلانكو يقول...

وفاء

ازيك

نورتي المدونه ان شاء الله الانتظار لن يطول

أمير البلانكو يقول...

ريمان

ازيك


زيارتك بجد نورتني والله

أتمني منك تكرارها

تحياتي ليكي