الأحد، 1 مارس 2009

لحظات قلب محطم


لحظات قلب محطم


إحساس لن تستطيع وصفة الكلمات


وتعجــز عـن كتابتــه الأقــــلام


حتى الورق لن يتحمل عبء هذا الإحساس


الشعور بالوحدةاحساس قاتل


وحدة قاتلة


ليالي ممزوجة بالدمع


حيرة وضياع


ألم وأحزان


دموع حارقة


ليالي قارصة البرد


آآهـ ياقلبي المسكين~~~


قلبٌ يتحطم كل صباح


يبكي ويتأوه من كثرة الجراح


يبكي ويبكي على كل اللحظات


لحظات ما بعد الفراق


قلبٌ يتحطم وصرخاته تصم الآذان


يتحطم كأمواج البحر


حين تتحطم على صخور الشاطئ


من يحفل الآن بقلب جريح


من يهتم بقلب محطم


لن تجد أبدا من يفهمك يا قلبي


فأنت غريب وحيد في هذا الزمان


وذاك المكان وستظل كذالك لـلأبـد

هناك 16 تعليقًا:

كيــــــــــــارا يقول...

قلبٌ يتحطم كل صباح


يبكي ويتأوه من كثرة الجراح


****************

عااااااااااااااااااااااا ليه كدا بس حاول تخرج من الالم والجرح

غروب يقول...

ازيك يا امير

اخبارك

جميل الكلام جدا وفعلا الوحده احساس موحش جداااااا خصوصا في الالم

بس تعرف انى ساعات بحب الوحده اوى

بحس انى مش هرتاح لوحد فضل معايا في وقت بكاى

عموما ربنا يسعدك

wafaa يقول...

كيفك اميرى ؟
اتمنى يكون خيال الشاعر مش لحظات ضياع حقيقى ، ولو كان حقيقى فكر كده خسرت ايه ؟؟ لو ماخسرتش نفسك يبقى اتأكد انك كسبان
انا عارفة مرارة الفراق سواء بادينا او غصب عننا برده صعب بس عيش الفترة دى وانت واثق انها هتعدى .. وخليك واثق ان اللى جاى احسن من اللى راح

BAsMA يقول...

كلامك جميل لكن احساسك حزين
ذكرتنى بالذذى مضى
وانا خلاص نسيت الماضى

بص طول ما فى حياة فى امل
لان من هو بدون امل حياته محدودة مغلقة فى نطاق واحد مانعه من انه يحس حريته

Habiba يقول...

ايه بس ياعم امير
يانهار ابيض يعنى يوم ماجى ادخل عندك الاقيك هتلطمنى على وشى من كتر الهم

ليه كده بس
القلوب نصيبها فى الغالب التعب لكن ده مش معناه انها مابتفرحش

حاول تفرح نفسك بأى حاجه
اوكى؟
قول اوكى يلا

ايووووووون شطور كده انت عسل :)

wafaa يقول...

اختفيت ليه ؟
يعنى ينفع تضرب القنبلة وتجرى ؟ طيب حتى اتطمن ع الجرحى بتوع انفجارك
ماتتأخرش بقا
سلام

بس خلاص ... يقول...

ليه كده يا امير
انا اعرف عنك التفاؤل والاقبال على الحياه
لاتجعل الحياه تمر عليك وانت فى هذه الحاله اذا كنت تعبر عن نفسك بهذا الكلام ولكن هناك دائما ما يستحق اننراه جميلا
اقول لك النور الكامن فيك يكفيك استجلى هذا النار ستجدا الحياة كلها مشرقة
لو حد خان او حدهان او حد جبان ووووووووولايهمك بكره احلى

أمير البلانكو يقول...

كيارا

ازيك يا قمر منوره البلوج

ان شاء الله أحاول ماتقلقيش عليا

ميرسي أو لزيارتك وأتمني المزيد

تحياتي ليكي

أمير البلانكو يقول...

غروب

ازيك

فعلا الواحد بيبقي محتاج يقعد مع نفسه في أوقات خاصه
بس مش علي طول صح ولا غلط

ميرسي أوي عليي دعائك الرقيق دا ليا

تحياتي ليكي

أمير البلانكو يقول...

وفاء

ازيك

منوره المدونه

أكيد عندي ثقه بنفسي لاني عندي تقه جامده أوي بربنا

وان شاء الله القادم أحسن

تحياتي ليكي

أمير البلانكو يقول...

بسمه

ازيك

حقآ الامل موجود طالما نحن نتنفس وفي ثقتنا بالله عز وجل أن يحقق لنا كل ما نتمني أدعي معي ان يححق لنا الله كل ما نتمناه فعلا

تحياتي ليكي

أمير البلانكو يقول...

حبيبه

ازيك

انا أسف والله انا لو أعرف انك هاتيجي كنت كتبتلك حاجه تسعدك بس نعمل ايه شكل الحزن بقي موضه اليومين دول ربنا يسترها ويفك كربنا

قولي أمين

أكيد مفيش حد بياخد أكتر من نصيبه وكل واحد مننا مستني نصيبهوان شاء الله ربنا مش هايكسفنا

تحياتي ليكي وأتمني مزيد من التواصل

أمير البلانكو يقول...

وفاء

ازيك

والله انا مش قصدي ومابعدتش غير علشان بس بجد انا مش فاضي بس ان شاء الله أكون علي طول في تواصل معاكم بجد والله المدونه بتوحشني أوي بس زي ماقلتلك غصب عني أسف للمره التانيه

وتحياتي ليكي يا باشا

أمير البلانكو يقول...

بس خلاص

ازيك

منوره البلوج والله

الحمد لله انا علي طول متفاؤل بس بتيقي في حاجات كدا تخلي الواحد يكره كل حاجه حتي التفاؤل

بس الحمد لله الواحد علشان مش بيحب غير الخير لكل الناس ربنا بيكرمه علي طول وبيفوق من الصدمات اللي بتحصله

ميرسي أوي علي زيارتك
وأتمني مزيد من التواصل

بس خلاص ... يقول...

كل سنه وانت طيب يامير بمناسبة المولد النبوى الكريم ... فينك وفين اخبارك لعلك بخير

غروب يقول...

امير

ليه غايب ؟؟؟؟؟؟؟؟؟؟؟؟

طمنا عليك