كتير بقول لنفسي عادي اعيش وحيد
عـــــــــــــادي أعيش أيامي غير سعيد
عــــادي أعيش غربتي عن أهلي بعيد
بدون صديق من غير حتى أخويا الوحيد
وأعيش حياتي بلا وطن كمـــــــا الشريد
لكن يـــــــــــــــارب اللي مش عادي ....
أشوف دم أخواتي كل يوم بيزيد
عايشين حياتهم في خوف ورعب وتهديد
وبرصاصة غدر لكل أحلامهم تبيد
و يموت منهم كل يوم واحد جديد
يارب يا رحمن يا ذو العرش المجيد
إحمي مصر من كل شر ...
ومن كل عدو سواء قريب أو بعيد
وداوي جروحها اللي كل يوم بتزيد
و يارب يا حميد يا ذو القول السديد
صبرني وأجعلني وقت المحن شديد
واقف ضد الظلم والقهر كما الحديد
ولو في يوم يارب مت أتمنى أكون شهيد
زى أخواتي اللي ماتوا في بورسعيد
هناك تعليقان (2):
يااااااااه
والله زمان يا اميرالبلانكو :)
أسف على طول الغياب
( وفاء )
عن جد مرورك أسعدني
إرسال تعليق