الخميس، 2 أكتوبر 2008

واسطه خير



واسطه خير

مش بأيدي أسعد نفسي .... لكن بأسعد الغير

وباجي يا قلبي علي نفسي .... وأبقي واسطه خير

أوفق بين قلبين .... وأجمع بين حبيبين

حبيبتي .... وصديق عمري

ويا قلبي دا قدري .... أكمل المشوار للنهايه

مادمت قبلت دوري من البدايه

واسطه خير

أيوه بحبها .... وحلمت ياما أبقي لها

صديقي أختاره قلبها

هوا حياتها .... هوا حبيبها

هوا خلاص من الدنيا نصيبها

واسطه خير

هناك 9 تعليقات:

لولا يقول...

امير
موضوع الحب من طرف واحد دا والحبيبه الى فى الآخر بتبقى للصديق حقيقى بيوجعلى قلبى0بحس ادى ايه الواحد لا زم من اولها يقتل اى احساس ويبعد عن حب مستحيل0اما موضوع واسطة خير دا اوكى ربنا يجعلنا ديما واسطة خير بين كل اتنين بس من غير ما يكون فى طرف تالت حيعانى فى الاخر0
احساسك جميل يا امير00فاكر لما قلتلك تستاهل بجد وحده تحبك حقيقى اثق انك تستحق ذلك يا صاحب القلب المرهف0
لولا

blue-wave يقول...

ممممممممممممممممم
مش عارف
رغم انى كتبت اغنيه لنفس الموضوع
لكن مش بقتنع انه ينفع
مين فينا يقدر يمسك مشاعرة ويرضى بكدا؟؟

kochia يقول...

انا لو منك انسحب
مش هكون واسطة خير في هكذا موضوع

تحياتي

Hossam يقول...

سلام عليكم
بجد شكرا لكلامك فى مدونتى وتعليقك عندى
اتمنى نكون اصدقاء
عيد سعيد

أمير البلانكو يقول...

ولولا

ميرسي أوي علي زيارتك

دايما بتخليني أخجل من كلامك

فأنا في انتظار من أستحق

أمير البلانكو يقول...

blue wave

شكرآ علي زيارتك ليا

انا دايمآ بتمتع بردك وتعليقك

صدقني فيه ناس بتعرف تتحكم في مشاعرها جامد أوي علشان كدا احنا عايشين

تحياتي ليك

أمير البلانكو يقول...

kochia

شكرآ علي زيارتك الاولي ليا

صدقني ماكنش ينفع غير لازم أكون واسطه خير

علشان أثبت لنفسي اني خلاص نسيتها

تحياتي ليك

أمير البلانكو يقول...

hossam

ميرسي أوي علي زيارتك

الي مزيد من التواصل ان شاء الله

تحياتي ليك

شموسة يقول...

مش معنى انك تكون واسطة خير انك تكون بتثبت لنفسك او لغيرك انك نسيتها،،

انت كده بتصعبها ع نفسك ...

حاول تبعد يا أمير بأى شكل وتعيش جو تانى عشان تنسي بجد ،،، بعد فترة هتلاقي كل حاجة بجد علي خير مايرام ان شاء الله..

تمنياتي ليك بالتوفيق...
تقبل مروري أخـــي..