الأربعاء، 15 أكتوبر 2008

الأحلام أبدآ لن تعود


تـَـأملـتُ طيفَـكِ فــى أحلامـــى

سهـــرٌ وشـــوقٌ ووعـــودْ

تـَـأملـتُ عـقـلَكِ فــى أحلامـــى

رزيــنٌ وحكيــمٌ وودودْ

تـَـأملـتُ قلبَـكِ فــى أحلامـــى

حنــونٌ.. ويُـعطـى بـلا حدودْ

تـَـأملـتُ حُـبــَـكِ فــى أحلامـــى

أنهارٌ فياضـةٌ بـدون ســدودْ

تـَـأملـتُ صورتـَكِ فــى أحلامـــى

سحـرٌ مفتـونٌ وجمالٌ غير معهــودْ

تـَـأملـتُ كلماتـَـكِ فــى أحلامـــى

شجنٌ وأنينٌ وعطـاءٌ ممدودْ

كان حُـلمٌ جميـلٌ ليتـهُ يعــودْ

ولكن رُحمـاكَ يا قلـبى

فالأحلامُ أبداً أبداً لن تعـودْ

هناك 18 تعليقًا:

saso يقول...

نياهاهاهاها ( شريره)

اول تعليق اهو:

جميله اووى يا امير المعنى بجد تحفهههههههههه

الاوزان حلوه اوى في بعض منها اتكسر او انا لم استصيغه لكن المجمل ممتاز

تسلم ايدك

ملحوظه:
ياريت يا امير تشيل الكلمه التاكيديه لانى بزهق

أمير البلانكو يقول...

saso

تسعدني زيارتك حقآ

بالنسبه للاوزان اللي في الابيات انا بحاول علي قد ما أقدر لكن انا لسه ماوصلتش لدرجه اني أظبط الكلمات كلها علي وزن واحد انا بحاول بس انشاء الله هاقدر أظبطها بس ادعيلي

بالنسبه لكلمه التأكيد انا مش عارف أشيلها ياريت المساعده لاني فعلا بتضايق منها لما أدخل أي مدونه والاقيها

شكرآ علي زيارتك

وتحياتي ليكي

saso يقول...

بص يا امير عشان تشيل الكلمه التاكيديه دى اعمل الخطوات دى:

ادخل على الاعدادات ومنها الى التعليقات هتلاقي خيار بعنوان

إظهار التحقق من الكلمات للتعليقات؟

طبعا عندك هتلاقي علامه جمب كلمه نعم خليها عند كلمه لا ومتنساش لالالالالازم تعمل حفظ الاعدادت في الاخر والا مش هيحص حاجه

ارجو تكون المعلومه وصلت

تحياتى ليك

أمير البلانكو يقول...

saso

شكرآ يا قمر

كله تمام

ميرسي أوي للاستجابه للمساعده

مع كامل تحياتي ليكي

DoNyA يقول...

كلمات بسيطه تدخل الي القلب
لانها خارجه من القلب

مودتي

Lola يقول...

أمير
نمر بأشياء جميلة فى حياتنا00قد لا تستمر دوما00قد تنتهى00قد تكون مجرد محطه0ولكن صدقنى فى الحياة محطات متعدده00وأحلام كثيره00وعابرون كُثر0
لذلك نحن لا نبكى على ما فات00فقط ننتظر القدم بأمل0 أمير اسلوب جميل00معنى يعرف طريقه للقارئ وإضافة موسيقى أهنئك عليها00مازلت احاول اضافه موسيقى لمدونتى وافشل حتى الآن يظهر ان هناك خطأ ما فى خطواتى 0
تحياتى لك وحضرت مشيا على الأقدام لذلك لا داعى ان تحاسب التاكسي0

يقولون العتب دليل المحبه وعتابك بتأخر زيارتى احببته جداجداجدا0

لولا

أمير البلانكو يقول...

donya

ازيك

ميرسي علي زيارتك الاولي لمدونتي

وشكرآ علي تعليقك البسيط دا

تحياتي ليكي

واتمني مزيد من التواصل

أمير البلانكو يقول...

لولا

ازيك

أخيرآ والله وحشتني زيارتك

وميرسي أوي علي تعليقك الجميل كالعاده دومآ حقآ تواجهنا محطات كثيره في هذه الدنيا لانقف عندها لكن نتعلم منها ودا أكيد لان لو ماتعلمناش من هذه المحطات نبقي احنا ماشيين في الاتجاه المعاكس للبشر

وبالنسبه للبوست صدقيني يا لولا

انا بحاول أخرج كل اللي انا حاسس بيه مش أكتر وكمان باحاول أجتهد في اختيار الكلمات علشان أوصل لوزن مظبوط يسعد القاريء عند زيارته للبوست ويفهم منه معني كلماتي

وبالنسبه للموسيقي انا هاحاول ابعتلك شرح كامل علشان أساعدك في تنزيل أجمل موسيقي نسمعها من خلال مدونتك بس انتظري دقائق مش أكتر

تحياتي ليكي

أكيد العتاب دليل علي المحبه

انا علي طول بقول ان مفيش أصدقاء بجد يزعلوا من بعض لانهم علي طول بيعاتبوا بعض

بكرر حقآ تسعدني زيارتك دومآ

blue-wave يقول...

ولم لا تعود؟؟؟
طول ما احنا عايشين
لازم يكون فيه احلام
وان لم تعد
فلننشئ غيرها
تحياتى

سمكه وحده يقول...

امممم جميل اوي الكلمات بجد بس اخر بيت يوحي باليأس والكأبه ليه الاحلام مش تعود لو مش تعود احنا نخليها تعود ورجليها فوق رقبتها امال ايه احنا شويه

تحياتي
سمكه

أمير البلانكو يقول...

blue-wave

ازيك

انت فين من بدري انا افتقدت تعليقك في البوست السابق ياريت تروح وانا مستنيك هناك

أكيد طول مالدنيا فيها حياه لازم يكون فيه أحلام وأمال وصموحات

بس انا هنا بتكلم عن انسانه انتهت من حياتي خلاص علشان كدا انا بقول لنفسي الاحلام لن تعود

شكرآ علي زيارتك

تحياتي لك

أمير البلانكو يقول...

سمكه

ازيك

طبعآ احنا مش شويا وكفايه أوي ان احنا مؤمنين بالله وبرسوله علشان نؤمن ان طول مالدنيا فيها حياه أكيد لازم يكون فيها أحلام


بس انا هنا بتكلم عن انسانه انتهت من حياتي خلاص علشان كدا انا بقول لنفسي الاحلام لن تعود

سمكه تحياتي ليكي

والي مزيد من التواصل

kochia يقول...

الاحلام ابدا لن تعود
حقا
احساس حلو ومميز

تحياتي

اهالينا زهقوا يربونا يقول...

هالوووووووووو يا امير

طبعا انت اكيد عارف راينا لانك ببساطه لو دخلت عندنا هتعرف انك عارفنا

مستنيينك

Lola يقول...

امير

مستنياك00وميرسي ليك

لولا

أمير البلانكو يقول...

kochia

حقآ أسعدتني زيارتك الاولي

أتمني المزيد من التواصل

تحياتي ليكي

أمير البلانكو يقول...

اهالينا زهقوا يربونا

ازيكوا نورتوا مدونتي الصغيره

أتمني مزيد من التواصل معاكوا

تحياتي ليكوا

أمير البلانكو يقول...

لولا

علي ايه بتشكريني

احنا أصدقاء

واكيد راح أجيلك

تحياتي ليكي