الأحد، 5 أكتوبر 2008

هل مات الحب




انا اعتبر الحب فطرة لايمكن ان يولد اى شيئ وليس الانسان فقط بدونه

فالحب جعلنى اسأل نفسى هل يمكن ان يولد انسان ويكبرمن غير ان يعرف الحب


اومامعنى كلمة حب؟


هل هذا الحب إختراع حديث ظهر في عصرنا ؟

ونحن فقط الذي نراه و لا يراه مَن قبلنا؟

و أنا أحد هؤلاء المهوسين بهذا الإختراع ؟

هل أنا مجنون؟

هل نزل الحب إلينا من المريخ ؟

اتي به اهل زحل معهم في إحدي الزيارات

و أصابوا به بعض البشر فنشروا هذا الوباء في بعض الناس .

أم مات الحب في هذا الزمان بل ومات المحبين ،

ماتوا لأنهم لم يتحملوا العَيش في زمن أصبح فيه الحب زنب يعاقب عليه فاعله بالإعدام.

ماتوا لأن الحب كان هوائهم الذي يتنفسونه و هو قد انتهي في هذا الزمان.

لم يبقي في هذا الزمان إلا أنصاف البشر ،

نعم أنصاف البشر لأن الحب هو ما يجعلنا بشر ،

فهنيأًً لهم بهذا الزمان و هذه الدنيا

فليمرحوا فيها و يملؤها كأبه و حزن وألم

انا كنت اعتقد ان الحب ماات في هذا الزمان

ولكن نحن الذي نجعل الحب موجودا وبأيدينا نقتله ....؟؟

وسؤالي الذي اريد منكم الاجابه عليه:

هل يمكن أن يولد إنسان ولم يحمل قلبه معناً للحب؟؟

هل يمكن ان ينسي الإنسان معني الحب؟

__________________

هناك 12 تعليقًا:

أمل حمدي يقول...

لا لم يمت الحب

ولن يولد طفل بدون قلب يعي معنى الحب

الحب فطرة حقيقة ومادونه زيف

قلب بدن حب

كأرض بدون ماء

كبرد بدون غطاء

كمريض بدون دواء

مهما تعددت الاسباب

فالعيب فينا وليس في قلوبنا

تقديري

أمير البلانكو يقول...

ماما أموله

ميرسي علي زيارتك

تحياتي ليكي

غروب يقول...

هاى امير :

انت بصراحه دخلت ف نقطه حساسه جدا ؟

عمال تسال يعنى ايه حب وكانك مش عارف؟

اى حد بيتكلم عن الحب عارف معناه ولو لقيت واحد بيتكلم عنه من غير ميجربه فده اكبر دليل ان الحب فطره بتتولد معانا

مش لازم يكون الحب بين ولد وبنت

الحب ليه معانى كتيييييير
والحب مش ممكن يموت
لان لو ليك تجربه هيجيلك يوم تعرف انها كانت وهم ومش هتعرف ده غير لما تعيش حب حقيقي اقوى واعمق من مجرد تجربه

انا مش عايزه ارغي كتير

يلا سلام وكل سنه وانت طيب

blue-wave يقول...

لكى تحب
يجب ان تجد من يغذى هذا الحب
فهو كالزجاجه الممتلئه
لا يمكن ان تصب فى كوب فارغ طول الوقت دون ان يجهد الكوب نفسه لكى يصب فيها بدورة
سيأتى يوم وتفرغ فيه الزجاجه
تحياتى لك

"عبير النجار "نيجار يقول...

أول حاجه كل سنه وانت طيب
ثاني حاجه بقي السؤال بتاعك انا هجاوبك اجابه يمكن تتستغرب لها يمكن الناس لما بيقولوا كلمه الحب بيبقى كلمه عاديه بس تعالى بقى عندنا في الصعيد وقول في واحده بتحب مش بعيد اهلها يقتلوها الحب عندنا حب الام والاب والاخوات والاقارب والاصحاب وقبلهم حب الله ورسوله والوطن وغير كده كلمة حب عندنا = عار وعدم تربيه حتي لما كان في واحده عندنا بتحب كنا بنبعد عنها وكأنها مصابه بالطاعون ما تجرؤش واحده فينا تكلمها والا هيتقال علينا اللي بيتقال عليها وحصلت في بلدنا واحده حبت حب طاهر عفيف ولما عرف اخوها قتلها وعلشان كده الحب عندنا كلمه عيب تتقال ،
طبعاً هتقول ايه التخلف ده
بس احنا طلعنا واتربينا على كده وهسألك سؤالين ويا ريت تجاوبني عليهم :
ليه نادر جدا اللي بيتجوزوا بعد قصة الحب وليه ساعات الواحد بيقول انا ما اتجوزش واحده مشيت معاها(حتي ولو حبته وحبها)؟
وليه ملاحظه ان الشباب اللي عايشين في القاهره واصولهم من الصعيد أغلبيتهم لما بيحبوا يتجوزا بيتجوزوا من الصعيد رغم انهم ممكن يحبوا ويتجوزوا من مصر ؟
وتحياتي ليك

أمير البلانكو يقول...

saso

ازيك نورتي المدونه

علي فكره انا عارف معني الحب أوي وعارف يعني ايه حب بس الغرض من سؤالي وكمان عايز أعرف أجابته اني فعلا خايف اكون انا اللي غلط أكون انا اللي فاهم الحب بطريقه غير الناس

انا اللي أعرف انه الحب ( اخلاص فقط )

اخلاص لاي شيء يتعلق بالقلب

تحياتي ليكي

أمير البلانكو يقول...

blue-wave

ازيك شكرآ علي زيارتك لمدونتي
وبصراحه كدا انا فعلا بتمتع بتعليقاتك المفيده بس فيه ملاحظه ياريت تتقبلها

الحب لا ينقص أو يقل طالما الانسان يحب بصدق واخلاص

تقبل ملاحظتي

تحياتي ليك

أمير البلانكو يقول...

نيجار

ميرسي علي زيارتك لمدونتي

انتي فعلا الاجابه بتاعتك خلتني أستغرب بجد
الحب ليس كلمه عاديه أو عار كما تلقبوه في الصعيد الحب من أسمي الكلمات التي عرفتها البشريه وبدون حب فعلا الانسان لا يستطيع ان يعيش يمكن يكون في الصعيد بعض التقاليد والعادات التي ممكن ان تخنق هذا الحب لكن مش ممكن هذه العادات ان تقتله لكن علي فكره انا لي أصدقاء كثيرين من الصعيد لكم مش بيفكروا كدا خالص وعايشين الحب بكل معانيه أخلاص واحترام امن يحبوا

وردي علي الاسئله الي انتي طالبتي اني انا أرد عليهم بصدق

وهو انه لم يكن هذا الحب حب من الاساس بل أقل مايوصف انه خداع لمن يحبوا

انا بشكرك جدآ يا نيجار علي زيارتك الممتعه ليا

ويارب مزيد من التواصل معاكي

تحياتي ليكي

نـــــور يقول...

السلام عليكم
ازيك
اولا مش ممكن يكون ربنا خلق حد من غير قلب عنده استعداد يحب دى فطرة ربنا اللى خلق الخلق عليها
ولكن هو تقلب القلوب بفعل افاعيل الدنيا للاسف

ربنا يخليلك قلبك عامر بالحب والمشاعر الجميله دايما
ويارب بخير

أمير البلانكو يقول...

habiba

ميرسي علي زيارتك ليا

ويارب مزيد من التواصل

تحياتي ليكي

Lola يقول...

الحب جزء من تكويننا يا امير..فقط يحدث ان تقسو بعض القلوب..للحب اشكال والوان ودرجات.
بعض الحب لا مجال لنقاشه كحب الأباء لأبنائهم.
ولكن قضيه الإختلاف دوما فى الحب بين رجل وامرأه.تلك علاقه تحدد درجه الحب فيها عوامل كثيره.
وليس كل النفوس مهيئه للغرق فى بحر من الحب.
البعض يرى فى الحب حدود..
البعض يحب دون ان يحدد نفسه بقيد..
البعض يحب بجنون..
والبعض يحب بعقل.
عندما نحب لنقم فقط باحساس الحب دون ان نقيده بشيئ.
سلمت اناملك على الطرح للموضوع.
لولا

أمير البلانكو يقول...

عزيزتي لولا

الشرح وافي جدآ

لكن انا في رأي ان الحب كله واحد سواء بالعقل او حب بجنون أو الغرق في بحر من الحب
انا دايمآ باشوف الحب مثل قطعه الشكولاته مغلفه بالاخلاص والاحترام

انا في رأي من غير الحاجتين دول مش يبقي حب

ممكن نقول اي حاجه تانيه غير كلمه حب

كل دا طبعآ غير حب الأباء للابناء
أو العكس حب الابناء للأباء

عزيزتي لولا

تسعدني صداقتك

تحياتي ليكي