الأحد، 19 أكتوبر 2008

بعمري انا أفديها





لاحظت كثيرآ في الايام الاخيره في كثير
من المدونات من يشكو من حال مصر
ومن يتحامل علي مصر بصوره غير طبيعيه
سواء اذا كانت هيا السبب في
فقرهم
أو السبب في عدم تخرجهم من كلياتهم
أو السبب في عدم توظيفهم
المهم يحملوها أي حاجه بتقف أمامهم
يقولوا علي طول مصر هيا السبب
انا مش عارف ليه الناس كلهم بيحملوا مصر المسؤليه في كل شيء ياريت الناس دول يعرفوا ان مصر حقآ هي أم الدنيا هي التي وصفها الله في قرآنه بالامان
بسم الله الرحمن الرحيم ( انزلوا مصر ان شاء الله أمنين )

وكمان وصفها بالخير الكثير

بسم الله الرحم الرحيم ( اهبطوا مصر فأن لكم فيها ما سألتم )


من هنا من بيتي الصغير أقصد مدونتي الصغيره

حبيت أقول كلمتين بس في حق مصر ياريت تقرأوهم وتردوا عليهم




حبيتي ما في مثلها

ترخص الدنيا لأجلها

حبيبتي هي كل مافي الوجود

وحبي لها ماله حدود


أحبها وأفتخر بها

بروحي وعمري انا أفديها


حبيبتي عشقي وغرامي كله لها

في وصفها مايكفيني الكلام

هي أجمل من كل التعابير

حبيبتي هيا كل دنيتي

ومصر
فقط هيا حبيبتي

هيا حقآ جنتي





هناك 29 تعليقًا:

Lola يقول...

عارف يا امير اصبحت اشعر غالبا مثلك واصبح الدفاع عن مصر امام هؤلاء حقا يستهلك طاقتى واصبح حديثى بحنين وهيام عن مصر يثير السخريه لدى البعض ولكن اتعرف يا امير مؤمنه ان مثلى ومثلك كيرون يحبون مصر0

سلمت اناملك وروحك

لولا

اهالينا زهقوا يربونا يقول...

احنا يا امير احنا مش ضد مصر ولا حاجه لكن لما الحمل يزيد بسبب حكومتها وناس ماسكينها من رقبتها يبقي لازم احنا اللى نتكلم حتى لو هنذكر سلبيات فده ممكن يحل المشكله

وبدايه الحل مننا احنا

blue-wave يقول...

نحن لا ننتقد مصر
ولكن ننتقد ما ال اليه حالها
خصوصا ونحن نشعر بالعجز ازاء امكانية تغيير الوضع الراهن من فقر وبؤس وسرقه وامتهان لكرامة المصرى فى بلدة
ولكننا لا نجروء على انتقاد البلد اللتى تحتوينا بين احضانها
تحياتى

كـــيــــــــارا يقول...

ياحبيبتي يامصر يامصر

ياحبيبتي يامصر

يابلادي يااحلي البلاد يابلادي

بحبك يابلدي وافديكي بكل قطره من دمي

انا برده بتضايق من اللي بينتقد البلد

لانهم مش بيفرقوا

بين نقد البلد ونقد القائمين علي ادراه البلد

هوناك فرق

مصر دي الحضن الدافي اللي بنحن ليه

اما اللي بيحصل

فده مش منها

ده من اللي فيها

أمير البلانكو يقول...

لولا

أسعدتني حقا زيارتك وكمان تعليقك الاول

بصراحه يا لولا الكلام مع هؤلاء أصبح يتعب حقآ

من المفروض ان نعامل مصر كالفتاه المدلله والام الطيبه

يكفي ان الله ذكرها بكتابه 5 مرات

لولا بجد انا مش عارف أقولك ايه في حب مصر

عندي الكثير لكن مش عارف أطلع اللي جوايا كويس أوي عن طريق الكتابه

وكمان مش علشان احنا متغربين علشان كدا حاسين بحبها لا بجد حتي وانا في مصر كنت بموت في حاجه اسمها بلدي وأهلي وصحابي وكفايه أوي اني الحمد لله علي تواصل معهم دائمآ

لولا

تقديري اليكي

أمير البلانكو يقول...

اهالينا زهقوا يربونا

اسعدتني زيارتكم للمره الثانيه

انا هابدأ بكلامك الاخير

المشكله فينا احنا كشعب قبل مايكون حكام أو بلد المشكله فينا بجد ليه لأن الرسول صلي الله عليه وسلم قال

(ان الله لا يغير ما بقوم حتي يغيروا ما بأنفسهم )

صدق رسول الله صلي الله عليه وسلم

أصدقائي

تحياتي ليكوا

أمير البلانكو يقول...

كـــيــــــــارا

ميرسي أوي علي زيارتك الاولي ليا

ودائما كما عرفتك من خلال مدونتك

الاسلوب الرائع والروح الحلوه

أتمني زيارتك دوما

تحياتي ليكي

أمير البلانكو يقول...

blue-wave

انا هاقولك برضه زي ماقلت لأصحاب قبل كدا

المشكله فينا احنا كشعب قبل مايكون حكام أو بلد المشكله فينا بجد ليه لأن الرسول صلي الله عليه وسلم قال

(ان الله لا يغير ما بقوم حتي يغيروا ما بأنفسهم )

صدق رسول الله صلي الله عليه وسلم

حتي لو تلاحظ كام واحد بيدعي ان القدس تتحرر كام واحد بيدعي ان العراق تتحرر

صدقني احنا لازم نغير من نفسنا علشان الاول ربنا يستجاب لينا

تحياتي ليك

كـــيــــــــارا يقول...

ربنا يخليك ياامير ده بس من زوقكك

وخلاص مدونتك بقت في الفيفورت

يعني هزهقكك زيارات

بس المصاصه الاول

انا بقول اهو :)

أمير البلانكو يقول...

كيارا

زيارتك تاني أسعدتني بجد

وكمان أبقي في الفيفوريت بتاعك دا انا أبقي كدا خلاص عديت

كيارا

تحياتي ليكي

أمل حمدي يقول...

ومصر فقط هيا حبيبتي

هيا حقآ جنتي

تسلم يا امير ويسلم كلامك الصح

انا لاحظت نفس الحكاية دي

ربنا يهدي اللي مش عاجبه مصر يدور

على غيرها

ونشوف هايحس بايه

سلام يا امير

سمكه واحده يقول...

اولا اذيك يا امير
ثانيا انا هقلك علي حاجه هو فعلا في خلط بين انتقاد في سوء الاداره الاشخاص نفسهم ومصر امنا حببتنا
بس عارف لما تلاقي انك في بلدك ومش عايش انسان وتحس بادميتك طبعا مش مصر الاداره الفاسده والوحوش اللي مخلين سمعه مصر وحشه في كل الدول العربيه يعني محدش يكره بلده زي الاغنيه بحبك ووحستيني ولو انتي مطلعه عين اهلي بحبك موت
فعلا احنا كده محدش يقدر يستغني عنها بس بجد الواحد بيحس بالعار لما يلاقي تخلف وظلم وفقر في بلدنا طب ليه احنا من حقنا نعيش زي افضل بلد عربيه احنا الاصل مع احترامي لكل الدول العربيه بس بجد لولا قله الضمير المتوفره في هذا الشعب طبعا بعض من ابنائه القله القليله اللي معاها الفلوس الكثيره المتمثله في الوزراء ورجال الاعمال والسلطه كانت مصر مكنش هيعيش فيها حد فقير
في عهد عمرو ابن الخطاب رضي الله عنه مكنش حد فقير ولا بينام جعان ليه عشان الضمير وخوف ربنا لدرجه انه الباقي من الطعام والحبوب كان بيرميها علي سطح الجبال عشان الطيور تاكل سبحان الله ما اجمله رجل وما اعظمه
ليه متبقاش الاداره كده ليه كلنا منخفش علي بلدنا وكل واحد يبدأ بنفسه
ايه ده انا رغيت كتير لو فتحت مش هخلص
عموما يارب يصلح احوال مصر وسائر بلاد المسلمين اللهم امين
تحياتي لشخصك الجميل
سمكه

سمكه واحده يقول...

بجد بجد والله انا نفسي اعمل حاجه انا عندي حجات كتير بس مش عارفه استغلها ولا عارفه ابدا منين فكري مشوش كل اللي اقدر اقولهولك اني اكتر اتنين بحبهم مع الفارق الكبير
ربنا سبحانه وتعالي وعايزه اعمل حاجه لنصره الاسلام
وبلدي الحبيبه اللي سعات مش ببقي طايقه اعيش فيها وديما في دماغي السفر عايزه اعملها حاجه
بس خلاص
شعبان عبد الرحيم

"عبير النجار "نيجار يقول...

امير
ناس كتير مش واخده بالها ان العيب فينا مش فيها في البشر مش البلد اللي بيقولوا مفيش شغل الناس اللي عايزه الشغل يجيلها لحد عندها محدش اتعلم اي حاجه من تجربه الصين بلد اكتر عدد سكان في العالم ما ناموش ليه زينا وقالوا مفيش شغل ،
ولا هي البلد سبب كل المصايب،
والله كلامك جميل وعندك حق والله
بص صح يا امير الاغنيه اللي انت حاططها حلوه قوي مين اللي بيغنيها
تحياتي ليك

أمير البلانكو يقول...

سمكه

ازيك نورتي مدونتي

بصي يا سمكه زمان كان الناس بتعبد ربنا بس كانوا بيخافوا علي بعض كان الغني بيزكي علي الفقير كان القوي يحمي الضعيف
كل دا تحت رايه لا اله الا الله محمد رسول الله

لكن دلوقتي شوفي انتي كام واحد بيعبد المال

كام واحد بيعبد السلطه احنا نفسنا شوفي كام واحد ملتزم بصلاه المسجد كام واحد بيعبد ربنا بس علشان كدا انا بقول العيب برضه فينا احنا حتي ولو الحكام وحشين لان الرسول صلي الله عليه وسلم بيقول
ان الله لا يغير مابقوم حتي يغيروا ما بأنفسهم

ودا كفايه أوي ان احنا نعرف ان العيب فينا كلنا سواء كنا حكام أو من عامه الشعب

ياريت تفكري في اللي انا قلته وهاتلاقيني صح

سمكه

تحياتي ليكي

والي مزيد من التواصل

أمير البلانكو يقول...

ماما أموله

ازيك والله وحشتيني ووحشتني تعليقاتك

أولا شكرآ علي مرورك الرائع دومآ

ثانيا أنا معاكي فعلا اللي مش عاجبه مصر يسبها ويشوف بلد غيرها ونشوف هايحس بأيه

ماما أرجو الا تنقطع زيارتك

تحياتي ليكي

أمير البلانكو يقول...
أزال المؤلف هذا التعليق.
أمير البلانكو يقول...

نيجار

ازيك نورتي بيتي الصغير

ميرسي علي مرورك الرائع

فعلا يا نيجار الموضوع دا ذاد عن حده أوي
وياريت الكل يناقش المشكله دي في مدونته انا حاسس ان بقي فيه ناس بتفقد الانتماء
من كتر ما بقي يحسوا ان مصر هيا السبب في كل حاجه

نيجار حقآ أسعدتني زيارتك

أتمني مزيد من التواصل

بالنسبه للأغنيه دي بتاعه مطرب أسمه أحمد حسني كان في برنامج ستار ميكر
سنه 2004 من يوم ما سمعت الاغنيه دي وانا شبه بأسمعها يوميآ أنا حاسس ان اللي كتب الكلمات دي واحد فعلا بيعشق تراب مصر وكمان صوت المطرب اكثر من روعه

نيجار
تحياتي ليكي

عالمى الخاص يقول...

اولا اسمحلى احييك على انتمائك لبلدنا اللى اصبح غير موجود او نقدر نقول انه بقى قليل اوى انك تلاقى حد منتمى لبلده صحيح فى حاجات كتير ممكن تكون مش عاجبانا لكن مش معنى كده اننا نكرهها او نبينها بصورة وحشة لان ده مش بيحل بالعكس بيخلى الصورة وحشة وبس دى بلدنا وربنا سبحانه وتعالى ذكرها زى ما انت قلت 5 مرات فى القرآن واسمحلى اقولك الآية مرة تانية بسم الله الرحمن الرحيم(ادخلوا مصرا ان شاء الله آمنين) واراهنك انك فى اى بلد هتحس فيها بالامان زى مصر بغض النظر عن الحاجات اللى بنسمع عنها فكل بلد فى الكويس وفى الوحش لكن فى النهاية هى بلدنا ومش عارفة ازاى فى ناس بتنتقد مصر بالطريقة دى حقيقى الواحد بيزعل جدا

يا ريت نغير نفسنا مش ننقد ونعترض وخلاص وانا كمان معاكوا وبقول اللى مش عاجبه مصر يشوفله مكان تانى يعيش فيه

معلش لو كنت طولت عليك بس حقيقى الموضوع عجبنى وقلت اقول رأيى

سلامى ليك

نوسه وريمان فى هاكونا مطاطا يقول...

احنا والله لو مهما تعبنا فى مصر بس برضه بنحبها ومش نقدر نبعد عنها

وان كنا بنضايق او بنشتكى احنا بنشتكى الفساد اللى فيها والظلم

لكن عمرنا ما نستغنى عنها ابدا

مع تحياتى

kochia يقول...

القضية مش مصر خالص
محدش بيكرهها لذاتها

عارف لما يبقي عندك ابن مشاغب اوي وتاعبك اوي بتحبه قد ايه وبتلومه برده قد ايه

هي كدة مع الفارق
بكرة تبقي زي الفل
واحييك علي كلامك عنها
ومش لوحدك كدة طبعا

أمير البلانكو يقول...

كلمه حق

ازيك نورتي مدونتي

ميرسي أوي علي كلامك الجميل دا لكن انا شايف انك مش لازم تحييني علي انتمائي لبلدي لان انا شايف ان الانتماء دا أمر واجب وضروري للانسان في أي مجال

تحياتي ليكي

أمير البلانكو يقول...

حسام وريمان فى هاكونا مطاطا

ازيكوا نورتوا بيتي الصغير

طبعآ مفيش أي واحد مابيحبش بلده لكن أنا بقول انهم بيفكروا انها السبب في كل مشاكلهم وبعدين هما مش بيفرقوا بين الحكام والبلد هما بيقولوا علي سبيل المثال ( والله الواحد خلاص اتخنق من مصر ) أكيد انتوا سمعتوا حاجه زي دي صح ولا لا بجد مش حاجه تضايق

علي العموم كلنا بنحب بلدنا وعايزنها اجمل بلد في الدنيا ودا مش هايتحقق الا بينا احنا

انتوا نورتوا مدونتي

وأتمني مزيد من التواصل معاكوا

أمير البلانكو يقول...

كوشيا

ازيك

شوفي مصر ماتنفعش نعاملها زي الابن المشاغب بالعكس احنا المشاغبين ومصر هيا الام اللي بتسامح

كوشيا ياريت ماتزعليش

تحياتي ليكي واتنمي مزيد من التواصل معاكي

نـــــور يقول...

ازيك
تسلم ايدك
مصر مالهاش ذنب ان الل عايشين فيها مش يستاهلوا يعيشوا فيها اصلا
مصر هى مصر
لكن اللى بيعيشوا فيها هما اللى بيحددوا مصيرها
ده رايى من الاول

باركلى انا رجعت:)
تحياتى دايما
يازملكاوى :(

أمير البلانكو يقول...

habiba

ازيك والله نورتي المدونه

الحمد لله علي رجوعك

وميرسي أوي علي زيارتك

انتي أول واحده في البلوج تقولي يا زملكاوي

انا بجد مبسوط باللقب دا أوي

تحياتي ليكي

يا نور

wafaa يقول...

المشكلة بدأت بسلبية المحكوم
مما ادى الى زيادة ظلم الحاكم
ولاستمرار السلبية ادى الى قمع الكلمات فى مهدها. يعنى انت لو كتبت "لا" فى يوم نخاف عليك تتسجن نقولك ماتكتبهاش يا امير غير اما خطك مش بقلم رصاص

تقبل مرورى
وفاء

أمير البلانكو يقول...

وفاء

ازيك نورتي مدونتي

ميرسي أوي علي زيارتك الاولي ليا

تحياتي ليكي

اهالينا زهقوا يربونا يقول...

هالو امييييييييير

جايين نعزمك على عيد ميلاد سمكه

التفاصيل موجوده والحفله قريب

متنساش الهديه

والدعوه عااامه

تشاااااااااااااو